புளியந்தோப்பு, புளியந்தோப்பு சரகத்தில், கஞ்சா விற்போர் மீது, போலீசார் தொடர் கைது நடவடிக்கை எடுத்து வருகின்றனர். அந்த வகையில், நேற்று அதிகாலை 3:00 மணி முதல் காலை 7:00 மணி வரை நடத்திய சோதனையில், கஞ்சா விற்ற ஐந்து பேர் கைது செய்யப்பட்டனர்.

இதில் சஞ்சய், 20, வேலழகி, 68, 'அறுப்பு' கஸ்துாரி, 50, 'கோட்டை' மணிகண்டன், 24, ரிஷி, 22, ஆகியோர் சிறையில் அடைக்கப்பட்டனர்.

இதில், வேலழகி என்ற மூதாட்டி மீது, ஏற்கனவே 53 வழக்குகள் நிலுவையில் உள்ளன. அதேபோல், சஞ்சய் மற்றும் கஸ்துாரி மீது தலா ஒன்பது வழக்குகளும், மணிகண்டன் மீது எட்டு வழக்குகளும் நிலுவையில் உள்ளன.