சேலம்: சேலம், கொண்டலாம்பட்டியை சேர்ந்த, 20 வயது மாணவி, ஈரோடு மாவட்டம் பெருந்துறையில் உள்ள தனியார் மருத்துவ கல்லுாரியில் முதலாண்டு படிக்கிறார். ஈரோட்டில் இருந்து சேலத்-துக்கு தனியார் பஸ்சில் வந்தார்.

அப்போது மாணவியிடம் அருகே இருந்த வாலிபர் தொட்டு பேசி, பாலியல் சில்மிஷம் செய்துள்ளார். அதிர்ச்சியடைந்த மாணவி இதுகுறித்து டிரைவர், கண்டக்டரிடம் தெரிவித்தும் அவர்கள் கண்டு கொள்ளவில்லை.இந்நிலையில் கொண்டலாம்பட்டியில் மாணவி இறங்கிய நிலையில், வாலிபரும் இறங்கி மாணவியை மறித்து தகராறில் ஈடுபட்டார். இதுகுறித்து சேலம் பள்ளப்பட்டி போலீசில், மாணவி புகாரளித்தார். போலீசார் விசாரணையில், ஈரோடு மாவட்டம் கோபி அருகே கடுகாம்பாளையத்தை சேர்ந்த கோகுல்ராஜ், 29, என தெரிந்தது. போலீசார் கோகுல்ராஜை கைது செய்தனர். தனியார் பஸ் டிரைவர், கண்டக்டர் மீதும் வழக்குப்ப-திவு செய்தனர்.