புதுடில்லி: கடந்த 2024ம் ஆண்டில் சிறப்பான ஆட்டத்தை வெளிப்படுத்தியதற்காக ஜஸ்பிரித் பும்ரா, ஐ.சி.சி.,யின் சிறந்த கிரிக்கெட் வீரராகத் தேர்ந்தெடுக்கப்பட்டுள்ளார்.

இங்கிலாந்து மற்றும் வங்கதேசத்திற்கு எதிரான சொந்த மண்ணில் நடந்த டெஸ்ட் தொடரில் இந்தியாவின் வெற்றிக்கு பும்ரா முக்கிய பங்கு வகித்தார். மேலும் டி20 உலகக் கோப்பையை தனது அணிக்காக வெல்ல முக்கிய பங்கு வகித்தார்.

டிராவிஸ் ஹெட், ஜோ ரூட் மற்றும் ஹாரி புரூக் ஆகியோரின் கடுமையான போட்டியை முறியடித்து மதிப்புமிக்க சர் கார்பீல்ட் சோபர்ஸ் விருதை வென்றார்.

ராகுல் டிராவிட் (2004), சச்சின் டெண்டுல்கர் (2010), ரவிச்சந்திரன் அஸ்வின் (2016) மற்றும் விராட் கோலி (2017, 2018) ஆகியோருக்குப் பிறகு இந்த விருதை வென்ற 5வது வீரர் இவர்.

2024-25 ஆம் ஆண்டு பார்டர்-கவாஸ்கர் டிராபியில் இந்தியாவுக்காக 32 விக்கெட்டுகளை வீழ்த்திய பிறகு, ஐசிசியின் சிறந்த டெஸ்ட் கிரிக்கெட் வீரர் விருதையும் பும்ரா வென்றார்.

பின்னர் டி20 உலகக் கோப்பையில் இறுதிப் போட்டியில் தென்னாப்பிரிக்காவை வீழ்த்தி இந்தியா கோப்பையை வென்றதில் பும்ராவுக்கு முக்கிய பங்குண்டு. மொத்தம் பும்ரா 15 விக்கெட்டுகள் மற்றும் 8.26 சராசரியுடன் போட்டியை முடித்தார். அவரது செயல்திறனுக்காக இந்திய வேகப்பந்து வீச்சாளர் போட்டியின் வீரராகத் தேர்ந்தெடுக்கப்பட்டார்.