வீட்டு பணியாளர் நல வாரியத்தில்உறுப்பினராக சேர இன்று முகாம்


சேலம்:சேலம் தொழிலாளர் உதவி கமிஷனர் சங்கீதா(சமூக பாதுகாப்பு திட்டம்) அறிக்கை:தமிழக வீட்டு பணியாளர் நல வாரியத்தில் பதிவு செய்யபடி, உறுப்பினர் சேர்க்கை சிறப்பு முகாம், ஜன., 30(இன்று) காலை, 10:00 மணி முதல் நடக்கிறது.
இதில் சேலம் மாவட்டத்தை சேர்ந்த வீட்டு வேலை செய்யும் தொழிலாளர்கள், தமிழக வீட்டு பணியாளர் நல வாரியத்தில் உறுப்பினராக பதிவு செய்து கொள்ளலாம். பதிவு பெற்ற தொழிலாளிகள், கல்வி, திருமணம், மகப்பேறு, கண் கண்ணாடி, இயற்கை மரணம், விபத்து மரணம், ஓய்வூதியம் போன்ற நிதியுதவி பெறலாம். தொழிலாளர்கள் உறுப்பினர்களாக பதிவு செய்ய, ரேஷன், ஆதார், வாக்காளர் அட்டை, வங்கி கணக்கு புத்தகம், பாஸ்போர்ட் புகைப்படம், ஆதார் அட்டையில் இணைக்கப்பட்ட மொபைல் எண் ஆகியவற்றுடன் அலுவலகத்துக்கு வந்து, பதிவு செய்து கொள்ளலாம். www.tnuwwb.tn.gov.in என்ற இணையதளத்திலும் பதிவு செய்து கொள்ளலாம்.