பள்ளி ஆண்டு விழாவில்மாணவர்களுக்கு பரிசு


வாழப்பாடி :வாழப்பாடி, ராமலிங்கபுரம் அரசு உயர்நிலைப்பள்ளியில், 300க்கும் மேற்பட்ட மாணவ, மாணவியர் படிக்கின்றனர். அங்கு ஆண்டு விழா நேற்று கொண்டாடப்பட்டது. பெற்றோர் ஆசிரியர் கழக தலைவர் கோபால் தலைமை வகித்தார். தலைமையாசிரியர் வாசுகி வரவேற்றார்.
அதில் நடனம், ஓவியம், கட்டுரை, பேச்சு உள்ளிட்ட பல்வேறு வகையான போட்டிகளில் வெற்றி பெற்ற, 50க்கும் மேற்பட்ட மாணவ, மாணவியருக்கு பரிசு, பாராட்டு சான்றிதழ் வழங்கப்பட்டன. பள்ளி மேலாண் குழு தலைவர் சாந்தி, ஆசிரியர்கள், பெற்றோர்கள் பங்கேற்றனர்.