இந்நிலையில், நடிகை அளித்த பாலியல் புகாரின் பேரில், நாளை (பிப்.,28) காலை 11 மணிக்கு வளசரவாக்கம் போலீஸ் ஸ்டேஷனில் ஆஜராக வேண்டும் என்று சம்மன் கொடுக்க போலீசார் சென்றனர்.


அப்போது வீட்டினுள் நுழைய முயற்சித்த போலீசாரை, சீமான் வீட்டில் வேலை பார்க்கும் ஊழியர்கள் தடுக்க முயற்சித்தனர். இரு தரப்பினருக்கும் வாக்குவாதம் ஏற்பட்டது. போலீசார் ஒட்டிய சம்மனை சீமான் வீட்டு ஊழியர்கள் கிழித்தனர். இரு தரப்பினருக்கும் மோதல் ஏற்பட்டது. சத்தம் கேட்டு வீட்டில் இருந்து வெளியே வந்த சீமான் மனைவி கயல்விழி, போலீசாரிடம் பேசினார்.

வாக்குவாதம் தொடர்ந்த நிலையில், சீமான் வீட்டு ஊழியர்கள் இருவரை போலீசார் கைது செய்தனர். அவர்களில் ஒருவரிடம் இருந்து துப்பாக்கியும் பறிமுதல் செய்யப்பட்டது.


புகார் தொடர்பாக, தனிப்படை போலீசார், கர்நாடக மாநிலம் பெங்களூரு சென்று, விஜயலட்சுமியிடம் நேற்று விசாரித்து வாக்குமூலம் பெற்றுள்ளனர்.

சீமான் விளக்கம்

முன்னதாக பாலியல் புகாரில் விசாரணைக்கு ஆஜராக மறுப்பது குறித்து, நிருபர்கள் கேள்விக்கு சீமான் கூறியதாவது: அது சொல்லுவாங்க. ஏற்கனவே, ஒரு முறை சந்தித்து எல்லாம் சொல்லியாச்சு, அவங்களுக்கு இந்த விளையாட்டை நிறுத்த விருப்பம் இல்லை.

அவங்க நிறுத்தாமல் இழுத்து கொண்டே இருப்பார்கள். மறுபடியும் நேரம் கிடைக்கும் போது சொல்கிறேன் என்று சொல்லி விட்டேன். இவ்வாறு அவர் கூறினார்.