ஜெய்ப்பூர், ராஜஸ்தானில் முதல்வர் பஜன்லால் சர்மா தலைமையில் பா.ஜ., ஆட்சி நடக்கிறது. சட்ட சபையில் சமீபத்தில் பேசிய அமைச்சர் அவினாஷ் கெலாட், முன்னாள் பிரதமர் இந்திரா குறித்து அவதுாறாக பேசியதாக கூறப்படுகிறது.

இதை கண்டித்து, காங்., - எம்.எல்.ஏ.,க்கள் தொடர்ந்து சபையை புறக்கணித்து வருகின்றனர்.

சிக்கலை தீர்க்கும் வகையில், மூன்று நாட்களாக, காங்., - எம்.எல்.ஏ.,க்களுடன் சட்டசபை விவகாரத்துறை அமைச்சர் ஜோகராம் படேல் பேச்சு நடத்தினார்.

எனினும், பிரச்னை தீர்ந்தபாடில்லை; நேற்றும் சிக்கல் தொடர்ந்தது.

சட்டசபைக்கு வெளியே நேற்று கூடிய காங்., - எம்.எல்.ஏ.,க்கள் மாதிரி சட்டசபை கூட்டத்தை நடத்தினர்.

அதில் சிலர், பா.ஜ., அமைச்சர்கள் போலவும், சபாநாயகர் போலவும் பேசி, சிரிக்க வைத்தனர்.