ஸ்ரீபெரும்புதுார்:தேசிய, மாநில நெடுஞ்சாலை மற்றும் உள்ளாட்சி துறைக்கு சொந்தமான பொது இடங்களில் அமைக்கப்பட்டுள்ள அனைத்து அரசியல் கட்சி, இயக்கம், ஜாதி, மத ரீதியிலான கொடிகம்பங்களை, 12 வராத்திற்குள் அகற்ற, சென்னை உயர் நீதிமன்ற மதுரை கிளை, ஜன., 27ம் தேதி உத்தரவிட்டது.

இதையடுத்து, காஞ்சிபுரம் மாவட்டம் நிர்வாகத்தின் உத்தரவின்படி, ஸ்ரீபெரும்புதுார் நெடுஞ்சாலைத் துறை உட்கோட்டத்திற்குட்பட்ட, ஸ்ரீபெரும்புதுார் - - சிங்கபெருமாள் கோவில் நெடுஞ்சாலையில், ஒரகடத்தில் இருந்து, ஸ்ரீபெரும்புதுார் வரை, சாலையோரம் வைக்கப்பட்டிருந்த 17 கட்சி கொடிகம்பங்கள், கட்சி பெயர் பலகைகள் உள்ளிட்டவைகளை, பொக்லைன் இயந்திரம் வாயிலாக, நெடுஞ்சாலைத் துறையின் நேற்று இடித்து அகற்றினர்.