ஊட்டி : நீலகிரி மாவட்டம், ஊட்டி அருகே உள்ள ஒரு கிராமத்தைச் சேர்ந்த கூலி தொழிலாளி தம்பதிக்கு, 10ம் வகுப்பு படித்து கொண்டிருந்த, 16 வயது மகள் உள்ளார்.

மூன்று நாட்களுக்கு முன், மாணவியை காணவில்லை. பதறிய பெற்றோர், ஊட்டி ஊரக போலீஸ் நிலையத்தில் புகார் அளித்தனர். போலீசார், விசாரணை நடத்தி வந்தனர்.

இந்நிலையில், நஞ்சநாடு பகுதியை சேர்ந்த கூலி தொழிலாளி, ராஜன், 35, என்பவர் ஆசை வார்த்தை கூறி, ஏமாற்றி சிறுமியை கடத்தி சென்றது தெரிந்தது. சிறுமிக்கு தாலி கட்டி திருமணம் செய்து நஞ்சநாடு அழைத்து வந்தார்.

போலீசார் ராஜனிடம் விசாரணை நடத்தினர். அதில், ராஜாவுக்கு ஏற்கனவே திருமணம் ஆகி இரண்டு குழந்தைகள் உள்ளனர். குடும்ப தகராறு காரணமாக, அவரின் மனைவி சில ஆண்டுகளுக்கு முன் பிரிந்து சென்று விட்டார் என்பது தெரிந்தது.

தொடர்ந்து, போக்சோ சட்டத்தில் வழக்கு பதிவு செய்த போலீசார், ராஜனை கைது செய்து சிறையில் அடைத்தனர்.