ஆமதாபாத்: குஜராத் மாநிலம் ஆமதாபாத்தில், 3 குழந்தைகளை கொன்று விட்டு பெற்றோர் தற்கொலை செய்து கொண்ட சம்பவம் சோகத்தை ஏற்படுத்தி உள்ளது.


குஜராத் மாநிலம், ஆமதாபாத்தில் ஒரு தம்பதியினரின் உடல்களும், அவர்களது மூன்று குழந்தைகளும் அவர்களது வீட்டில் சடலமாக மீட்கப்பட்டு உள்ளனர். அவர்களது உடல்கள் பிரேத பரிசோதனைக்காக மருத்துவமனைக்கு அனுப்பி வைக்கப்பட்டது.


3 குழந்தைகளை கொன்று விட்டு பெற்றோர் விஷம் குடித்து தற்கொலை செய்து கொண்டதாக தெரிகிறது. இது குறித்து போலீசார் விசாரணை நடத்தி வருகின்றனர். போலீசார் விசாரணையில், இறந்தவர்கள் விபுல் வகேலா (32), அவரது மனைவி சோனல் (26) மற்றும் அவர்களது குழந்தைகள் கரீனா (11), மயூர் (8) மற்றும் இளவரசி (5) என்பது தெரியவந்தது.



இது குறித்து போலீசார் கூறியதாவது: ஒரு ஆண், அவரது மனைவி மற்றும் அவர்களது மூன்று குழந்தைகள் பகோடாராவில் உள்ள அவர்களின் வாடகை வீட்டில் விஷம் குடித்து இறந்தனர். அந்த நபர் ஆட்டோ ஓட்டி வந்துள்ளார். தற்கொலை செய்து கொண்டதற்கான காரணம் குறித்து விசாரணை நடந்து வருகிறது.


கடன் தொல்லை காரணமாக உயிரிழந்தார்களா அல்லது வேறு ஏதும் பிரச்னை என்று பல்வேறு கோணத்தில் விசாரணை நடக்கிறது. இவ்வாறு போலீசார் தெரிவித்தனர்.