பைல்: டேவிஸ் கோப்பை டென்னிஸ் ஒற்றையர் பிரிவு முதல் சுற்றில் இந்தியாவின் தக் ஷினேஸ்வர் வெற்றி பெற்றார்.

சுவிட்சர்லாந்தில் நடக்கும் டேவிஸ் கோப்பை டென்னிஸ், 'வேர்ல்டு குரூப்-1' போட்டியில் இந்தியா, சுவிட்சர்லாந்து அணிகள் விளையாடுகின்றன. இதன் ஒற்றையர் பிரிவு முதல் போட்டியில் இந்தியாவின் தக் ஷினேஸ்வர் சுரேஷ், சுவிட்சர்லாந்தின் ஜெரோம் கிம் மோதினர். 'டை பிரேக்கர்' வரை நீடித்த முதல் செட்டை 7-6 எனக் கைப்பற்றிய தக் ஷினேஸ்வர், இரண்டாவது செட்டை 6-3 என தன்வசப்படுத்தினார்.

ஒரு மணி நேரம், 21 நிமிடம் நீடித்த போட்டியில் அசத்திய தக் ஷினேஸ்வர் 7-6, 6-3 என்ற நேர் செட் கணக்கில் வெற்றி பெற்றார். இதன்மூலம் மதுரையை சேர்ந்த தக் ஷினேஸ்வர் 25, டேவிஸ் கோப்பையில் அறிமுகமான முதல் போட்டியிலேயே வெற்றி பெற்றார்.


மற்றொரு போட்டியில் இந்தியாவின் சுமித் நாகல், சுவிட்சர்லாந்தின் மார்க்-ஆன்ட்ரியா ஹஸ்லர் மோதினர். இதில் சுமித் நாகல் 6-3, 7-6 என்ற நேர் செட் கணக்கில் வெற்றி பெற்றார். இந்திய அணி 2-0 என முன்னிலை பெற்றது.