நெய்க்காரப்பட்டி: திண்டுக்கல் மாவட்டம் பழநி அழகாபுரி அருகே வாகன சோதனையில் ஈடுபட்ட போலீசார் கேரள பதிவு எண் கொண்ட ஆட்டோவில் வந்த மூவரிடமிருந்து டெட்டனேட்டர் உள்ளிட்ட வெடிபொருட்களை பறிமுதல் செய்து கைது செய்தனர்.

அழகாபுரி அருகே வண்டி வாய்க்கால் பகுதியில் போலீசார் வாகன சோதனையில் ஈடுபட்டனர். கேரள பதிவு எண் ஆட்டோவில் 3 பேர் வந்தனர். சோதனையில் ஆட்டோவிலிருந்த 25 டெட்டனேட்டர்கள் உள்ளிட்ட வெடிபொருட்களை பறிமுதல் செய்தனர்.

கேரள மாநிலம் இடுக்கி மாவட்டம் கஞ்சிக்குழி பகுதியை சேர்ந்த கிரீஸ் 42, லியோ தாஸ் 40, ஜோப்பின் 35, நெய்க்காரப்பட்டி வடக்கு தாதநாயக்கன்பட்டி கல்குவாரியில் பாறைகளுக்கு வெடி வைக்கும் பணியில் ஈடுபட வந்திருந்தனர். பணி முடிந்து டெட்டனேட்டர் வெடிபொருட்களை கேரளா மாநிலம் இடுக்கிக்கு எடுத்து சென்றது தெரியவர மூவரையும் கைது செய்தனர்.