ஸ்ரீவிஜய் புரம்: அந்தமான் நிக்கோபார் தீவுகளில், நாட்டின் முதல் தேசிய பவளப்பாறை ஆராய்ச்சி மையம் அமைக்கப்படுகிறது.

பயிற்சி மையம் தொடர்பாக,மூன்று நாள் பயிலரங்கம் இன்றுடன் முடிவடைந்தது. இதில் கடலோர காவல்படை, ஐஎன்எஸ் ஜராவா, ராணுவம், போலீசார் சார்பில் 20க்கும் மேற்பட்ட அதிகாரிகள் பங்கேற்றனர்.
இதில் இந்திய விலங்கியல் ஆய்வகத்தின் அந்தமான் பிராந்திய மையத்தின் பொறுப்பாளர் சிவபெருமான் கூறியதாவது:
தெற்கு அந்தமானில் உள்ள சிடியாடபுவில் இந்தியாவின் முதல் தேசிய பவளப் பாறை ஆராய்ச்சி நிறுவனம் (என்சிஆர்ஆர்ஐ) அமைக்கப்பட உள்ளது.
இந்த மையம் சுற்றுச்சூழல், வனம் மற்றும் காலநிலை மாற்ற அமைச்சக நிதி ரூ.120 கோடியில் செயல்படுத்தப்பட உள்ளது.


இந்தியா முழுவதும் பவளப்பாறை ஆராய்ச்சிக்கான கண்காணிப்பு நிறுவனமாக இம்மையம் செயல்படும்.இது ஒரு மேம்பட்ட பவளப்பாறை ஆராய்ச்சி, பாதுகாப்பு மற்றும் மேலாண்மை மையமாக இருக்கும்.புயல்களுக்கு எதிராக இயற்கையான கடலோர பாதுகாப்பை வழங்குவதிலும், அலைகளுக்கு எதிராக ஒரு மெத்தையாக செயல்படுவதிலும் பவளப்பாறைகள் முக்கிய பங்கு வகிக்கின்றன.

இவ்வாறு சிவபெருமான் கூறினார்.