புதுடில்லி: கேசவானந்த பாரதி வழக்கின் தீர்ப்பு, சட்டத்தின் ஆட்சிக்கான உறுதிப்பாட்டை குறிக்கிறது என்று சுப்ரீம் கோர்ட் தலைமை நீதிபதி சூர்ய காந்த் கூறினார்.

கேரள அரசின் நில சீர்திருத்தச் சட்டத்தின் அடிப்படையில் கேரளாவைச் சேர்ந்த சுவாமி கேசவானந்த பாரதி தலைமையிலான எட்நீர் மடத்தின் விளைநிலங்கள் கேரள அரசு கையகப்படுத்தியது. இதனை எதிர்த்து மடாதிபதி கேசவானந்த பாரதி சுப்ரீம் கோர்ட்டில் வழக்கு தொடர்ந்தார்.
பார்லிமென்ட்டின் அதிகார வரையறை குறித்து விசாரணை செய்து தீர்ப்பளிப்பதற்காக 13 நீதிபதிகள் அடங்கிய அரசியல் சாசன அமர்வு அமைக்கப்பட்டது. சுப்ரீம் கோர்ட் அமர்வு 68 நாட்கள் இந்த வழக்கை விசாரித்து தீர்ப்பு 24 ஏப்ரல் 1973 அன்று வழங்கினார்கள்.

முடிவில் 6 நீதிபதிகள் நாடாளுமன்றத்திற்கு அரசியலமைப்பு சட்டத்தின் எந்தப் பிரிவையும் மாற்ற, அல்லது புதிதாக எந்தவித சட்டத்தை இயற்றவோ பார்லி.,க்கு உரிமை இருக்கிறது என 6 நீதிபதிகளும், உரிமை இல்லை என்று,7 நீதிபதிகளும் தீர்ப்பளித்தனர். இந்திய அரசியலமைப்பு சட்டத்தின் அடிப்படை நோக்கம் மற்றும் அடிப்படை உரிமைகள் இவற்றை மீறி எந்தவொரு சட்டத்தையும் பார்லிமென்டால் இயற்ற முடியாது என தீர்ப்பளித்தனர்.

பார்லிமென்ட் சொத்து உரிமைகளை வரையறுக்கப்பட்ட அளவிற்கு கட்டுப்படுத்த முடியும் என்பதையும் கேசவானந்த பாரதி வழக்கில் தீர்ப்பு வரையறுத்தது. அதை சுட்டிக்காட்டிய, சுப்ரீம் கோர்ட் தலைமை நீதிபதி சூர்ய காந்த், கேசவானந்த பாரதி வழக்கு வெறும் சட்ட முன்னுதாரணமல்ல, அரசியலமைப்பு, சட்டத்தின் ஆட்சிக்கான இந்தியாவின் உறுதிப்பாட்டிற்கான மிக ஆழமான உறுதிப்பாட்டில் தனித்து உள்ளது என்று கூறினார்.

ஓபி ஜிண்டால் குளோபல் பல்கலைக்கழகத்தில் நீதித்துறையின் சுதந்திரம் குறித்த சர்வதேச மாநாட்டின் தொடக்க விழாவில் அவர் பேசியதாவது:

1973 ஆம் ஆண்டு வரலாற்று சிறப்புமிக்க கேசவானந்த பாரதி வழக்கின் தீர்ப்பு, அரசியலமைப்பைத் திருத்துவதற்கான பார்லிமென்டின் பரவலான அதிகாரத்தைக் குறைத்தது, அதே நேரத்தில் எந்தவொரு திருத்தத்தையும் அதன் மீறலின் அடிப்படையில் மறுபரிசீலனை செய்யும் அதிகாரத்தை நீதித்துறைக்கு வழங்கியது.திருத்த முடியாதது அரசியலமைப்பை அர்த்தமுள்ளதாக மாற்றியது. டாக்டர் பி ஆர் அம்பேத்கரின் தொலைநோக்கு வழிகாட்டுதலின் கீழ் நமது கட்டமைப்பாளர்களால் சிரமமின்றி வடிவமைக்கப்பட்ட அதன் நியாயமான ஆன்மா.


அரசியல் ரீதியாக பதட்டமான காலகட்டத்தில், "அரசியலமைப்பை வசதிக்கேற்ப வளைக்க" நீதித்துறை மறுத்ததன் மூலம் ஜனநாயக கட்டமைப்பைப் பாதுகாத்தது அந்த தீர்ப்பு.நீதித்துறையின் அறிவுசார் மற்றும் தார்மீக சுதந்திரத்திற்கு இந்த வழக்கு ஒரு சான்றாகும்.இவ்வாறு சுப்ரீம் கோர்ட் தலைமை நீதிபதி சூர்ய காந்த் பேசினார்.