சென்னை:டிட்வா புயல் காரணமாக, மழையால் பாதிக்கப்படும் பொதுமக்களுக்கு உதவிகளை மேற்கொள்ள தயாராக இருங்கள் என்று அதிமுக நிர்வாகிகளுக்கு பொதுச்செயலாளர் இபிஎஸ் வலியுறுத்தி உள்ளார்.

அவரது அறிக்கை:

"டிட்வா" புயலின் காரணமாக சென்னை, கடலோர மாவட்டங்கள் மற்றும் டெல்டா மாவட்டங்களில் கன மழை பெய்து வரும் நிலையில், பொதுமக்கள் அனைவரும் வானிலை ஆய்வு மையத்தின் அறிவிப்புகளுக்கு ஏற்றவாறு உரிய நெறிமுறைகளைப் பின்பற்றி, பாதுகாப்புடன் இருக்குமாறு கேட்டுக்கொள்கிறேன்.
புயலின் தீவிரம் உணர்ந்து, அதற்குரிய முன்னெச்சரிக்கை நடவடிக்கைகள் போர்க்கால அடிப்படையில் மேற்கொள்ளப்பட்டிருப்பதை உறுதி செய்யுமாறு திமுக அரசை வலியுறுத்துகிறேன்.

பொதுமக்களுக்கு தேவையான உதவிகளை மேற்கொள்ள களத்தில் தயாராக இருக்குமாறு அதிமுகவினரை கேட்டுக்கொள்கிறேன்.
இவ்வாறு இபிஎஸ் வெளியிட்டுள்ள அறிக்கையில் கூறியுள்ளார்.