சென்னை: தமிழக காங்கிரஸ் எஸ்.சி. துறை தலைவர் எம்.பி.ரஞ்சன் குமார் அறிக்கை:
ஈரான் போரால் சமையல் காஸ் சிலிண்டர் தட்டுப்பாடு அதிகரித்துக் கொண்டிருக்கிறது. மக்கள் இன்னலுக்கு ஆளாகாமல் தடுக்க தீவிர நடவடிக்கைகளை மேற்கொள்கிறார் முதல்வர் ஸ்டாலின்.

தகுதியுள்ள 1.31 கோடி குடும்பத் தலைவிகளுக்கு கலைஞர் மகளிர் உரிமைத் தொகை , அரசுப் பேருந்துகளில் பெண்கள் கட்டணமில்லாமல் பயணம் , மாணவிகளுக்கு புதுமைப்பெண் திட்டத்தின் மூலம் ரூ. 1,000 வழங்கப்படுகிறது. புதிய தொழில் தொடங்கும் பெண்களுக்கு 25 சதவீதம் மானியம் (ரூ.75 லட்சம் வரை) மற்றும் 3 சதவீதம் வட்டிச் சலுகையும் வழங்கப்படுகிறது.

பழனிச்சாமியை துரோகி என விமர்சித்த தினகரன், கடுமையாக விமர்சித்த அன்புமணி ஆகியோருடன் சேர்ந்து எந்த அடிப்படையில் பழனிசாமி கூட்டணி வைத்திருக்கிறார்?
அதிமுக தலைமையிலான சந்தர்ப்பவாத கூட்டணியை புறக்கணிக்க தமிழக மக்கள் தயாராகி விட்டனர்.இவ்வாறு அவர் கூறியுள்ளார்.