பரங்கிமலை, ஆலந்துார் ரயில்வே ஸ்டேஷன் சாலையில், போக்குவரத்து போலீசார் நேற்று முன்தினம் நள்ளிரவு, வாகன சோதனையில் ஈடுபட்டுஇருந்தனர்.

அப்போது, பைக்கில் வந்த மதுரையைச் சேர்ந்த கருப்பு, 26, ஈக்காட்டுதாங்கல் சேர்ந்த வீரமணி, 19, ஆகியோரை பிடித்து 2 கிலோ கஞ்சா, பட்டா கத்தி ஆகியவற்றை பறிமுதல் செய்தனர்.

இவர்களது தகவலின்படி, கஞ்சா விற்ற சிவகுமார், கணேஷ்குமார், கணேசன், தினேஷ் ஆகியோரையும், போலீசார் கைது செய்தனர். ஆறு பேரையும், நீதிமன்றத்தில் ஆஜர்படுத்தி சட்ட நடவடிக்கை மேற்கொண்டனர்.