பந்தலுார்:கேரள மாநிலம், வயநாடு மானந்தவாடி அருகே தோல்பட்டி வனப்பகுதியில், நேற்று மாலை யானை குட்டி ஒன்று சாலையில் உலா வந்தது. சாலையில் செல்லும் பஸ் உள்ளிட்ட வாகனங்களின் பின்னால் ஓடி சென்றது.

வாகன ஓட்டுனர்கள் யானை குட்டிக்கு எந்த பாதிப்பும் ஏற்படாத வகையில் வாகனங்களை மெதுவாக இயக்கினர். தகவலறிந்த வனத்துறையினர், சம்பவ இடத்திற்கு வந்து குட்டி யானையை மீட்டு வனப்பகுதிக்கு கொண்டு சென்றனர்.

அங்கு தாய் யானை வந்து, குட்டியை அழைத்துச் செல்வதற்காக சாலையோர வனப்பகுதியில் காத்திருக்கின்றனர். இதை, 'வீடியோ' எடுத்த பலர், சமூக வலைதளங்களில் பரப்பினர். யானை குட்டி, தன் தாயை தேடி அங்கும், இங்கும் சாலையில் ஓடியது பரிதாபத்தை ஏற்படுத்தியது.