வத்தலக்குண்டு: திண்டுக்கல்மாவட்டம் வத்தலக்குண்டில் கடையில் பதுக்கி வைத்திருந்த ரூ. 12 லட்சம் மதிப்பிலான 12 ஆயிரம் கேரளலாட்டரி சீட்டுகளை பறிமுதல் செய்த போலீசார் இருவரை கைது செய்தனர்.

வத்தலக்குண்டில் திண்டுக்கல் ரோட்டில் உள்ள கடையில் நுழைந்த தனிப்படை போலீசார் அங்கு தடை செய்யப்பட்ட கேரள மாநில லாட்டரி விற்பனையில் ஈடுபட்ட காந்திநகரை சேர்ந்த நசீம் 36, வினோத் குமார் 28, ஆகியோரை கைது செய்தனர். இதைத்தொடர்ந்து அங்கு பண்டல் பண்டலாக பதுக்கி வைத்திருந்த ரூ. 12 லட்சம் மதிப்பிலான 12 ஆயிரம் லாட்டரி சீட்டுகளை பறிமுதல் செய்தனர். லாட்டரி விற்ற பணம் 56 ஆயிரம், 3 அலைபேசிகளை பறிமுதல் செய்தனர்.