மதுரை : இந்திய ராணுவத்தின் ஒரு அங்கமான மதராஸ் இன்ஜினியரிங் குரூப்ஸ் (பெங்களூரு) துவங்கிய 244வது ஆண்டு, கார்கில் 25வது நினைவுத் தினம் ஆகியவற்றை முன்னிட்டு ராணுவ வீரர்களின் 'பைக் ஊர்வலம்' (பைக் ரேலி) மதுரை ஆயுதப்படை மைதானத்தில் நடந்தது.

இதில் சுபேதார் வேதியப்பன் தலைமையில் ஆறு வீரர்கள் உட்பட 16 பேர் சென்றனர். மதுரை போலீஸ் துணை கமிஷனர் சுகுமாரி கொடியசைத்து துவக்கி வைத்தார். முன்னாள் ராணுவத்தினர் கேப்டன் ராஜேந்திரன், சுபேதார்கள் ரவிசெல்வன், சிங்கம், பாலகிருஷ்ணன் கலந்து கொண்டனர். நவ.16ல் கன்னியாகுமரியில் துவங்கிய இந்த பைக் ஊர்வலம் நேற்று மதுரை வந்தது. இங்கிருந்து திருச்சி வழியாக நவ.20ல் பெங்களூரில் முடிகிறது. பயணத்தினிடையே முக்கிய நகரங்களில் முன்னாள் ராணுவத்தினருக்கு குறைதீர் முகாம்கள் நடத்துவதாகவும் தெரிவித்தனர்.