சிங்கம்புணரி ; சிங்கம்புணரி அருகே குடிநீர் குழாய் பழுதடைந்ததால் கிராம மக்கள் தவிக்கின்றனர்.

இவ்வொன்றியத்தில் கிருங்காக்கோட்டை ஊராட்சிக்குட்பட்ட முட்டாகட்டியில் ஏராளமான குடியிருப்புகள் உள்ளன. அதில் குறிப்பிட்ட பகுதியில் சில ஆண்டுகளுக்கு முன்பு தண்ணீருக்காக அடிகுழாய் அமைத்துக் கொடுக்கப்பட்டது. சில மாதங்களாக இக்குழாய் பழுதடைந்ததை தொடர்ந்து அப்பகுதி மக்கள் தண்ணீருக்காக அலைய வேண்டியுள்ளது. அருகே ஒடுவன்பட்டி ஊராட்சிக்கு உட்பட்ட பகுதிக்கு சென்று தொட்டியில் தண்ணீர் பிடிக்கும் போது காலதாமதம் ஆகிறது. எனவே அடிகுழாய் இருந்த இடத்தில் தொட்டி அமைத்து தர அப்பகுதி மக்கள் வலியுறுத்தி உள்ளனர்.