துாத்துக்குடி : துாத்துக்குடி வ.உ.சி., துறைமுகத்தில் நடப்பு நிதியாண்டில் அக்டோபர் மாதம் வரை 2.40 கோடி டன் சரக்குகளையும், 4 லட்சத்து 64,060 கன்டெய்னர் பெட்டிகளையும் கையாண்டுள்ளது. கடந்த ஆண்டு இதே காலக்கட்டத்தில் 2.37 கோடி டன் சரக்குகளும், 4 லட்சத்து 36,761 கன்டெய்னர்களும் கையாளப்பட்டிருந்தது.


அதை ஒப்பிடுகையில், வ.உ.சி., துறைமுகம் ஒட்டுமொத்த சரக்கு போக்குவரத்தில் 3.61 சதவீத வளர்ச்சியையும், கொள்கலன் போக்குவரத்தில் 6.25 சதவீத வளர்ச்சியையும் கண்டுள்ளது. இதற்கிடையே, தற்போது, துறைமுக 4 வது தளத்தில் நேற்று முன்தினம் ஒரே நாளில் 29212 டன் நிலக்கரி கையாளப்பட்டு சாதனை படைக்கப்பட்டுள்ளது.