குழந்தைகள் அறிவியல் மாநாடுபள்ளி மாணவியருக்கு பாராட்டு

ஈரோடு:-ஈரோடு, திண்டல் வேளாளர் கலை அறிவியல் கல்லுாரியில், மாவட்ட அளவிலான குழந்தைகள் அறிவியல் மாநாடு நடைபெற்றது.
இதையொட்டி, மாணவியர் தங்களுடைய ஆய்வு கட்டுரைகளை சமர்ப்பித்தனர். இதில் ஐந்து கட்டுரைகள் சிறந்த கட்டுரைகளாக தேர்வு செய்யப்பட்டன.
மேலும், வேளாளர் மெட்ரிக் மேல்நிலைப்பள்ளியின், 9-ம் வகுப்பு மாணவி ஹர்ஷதா, கவுசிகா ஆகியோர் சேர்ந்து சமர்ப்பித்த 'நீடித்த பாதுகாப்பான நீர், மேலாண்மை' என்ற ஆய்வு கட்டுரை கோவையில் நடைபெற உள்ள மேற்கு மண்டல மாநாட்டுக்கு தேர்வு செய்யப்பட்டுள்ளது. இதை தொடர்ந்து சிறந்த ஆய்வு கட்டுரைகளை சமர்ப்பித்த மாணவியரை, பள்ளியின் தாளாளர் சந்திரசேகர், வேளாளர் கல்வி நிறுவனத்தின் நிர்வாகி யுவராஜா, முதல்வர் லதா, நிர்வாக அலுவலர் சென்னியப்பன் மற்றும் ஆசிரியர்கள் பாராட்டினர்.