டில்லியில் அனைத்துக் கட்சி கூட்டம்; பார்லி தொடரை சுமுகமாக நடத்த எதிர்க்கட்சிகளுக்கு வலியுறுத்தல்
புதுடில்லி: பட்ஜெட் கூட்டத்தொடரை முன்னிட்டு, டில்லி பார்லிமென்ட் வளாகத்தில் இன்று (ஜன.,30) அனைத்துக் கட்சி கூட்டம் நடைபெற்றது.
பார்லிமென்ட் பட்ஜெட் கூட்டத்தொடர், நாளை (ஜன.,31) துவங்குகிறது. அன்றைய தினம் லோக்சபா, ராஜ்யசபா ஆகிய இரு அவைகளின் கூட்டுக்கூட்டத்தில் ஜனாதிபதி திரவுபதி முர்மு உரையாற்றுகிறார். 2025-26ம் நிதியாண்டுக்கான பட்ஜெட்டை பிப்., 1ல், மத்திய நிதியமைச்சர் நிர்மலா சீதாராமன் தாக்கல் செய்ய உள்ளார்.
பட்ஜெட் கூட்டத்தொடரின் முதல் பகுதியானது, பிப்ரவரி 13ம் தேதி நிறைவு பெறும். கூட்டத் தொடரின் இரண்டாம் பகுதி, மார்ச் 10ம் தேதி முதல் ஏப்ரல் 4ம் தேதி வரை நடைபெறும். இந்நிலையில், இன்று (ஜன.,30) டில்லி பார்லிமென்ட் வளாகத்தில் அனைத்துக் கட்சி கூட்டம் நடைபெற்றது.
பட்ஜெட் கூட்டத்தொடரை சுமுகமாக நடத்த எதிர்க்கட்சிகளுக்கு மத்திய அரசு தரப்பில் வலியுறுத்தப்பட்டது. இந்த நிகழ்ச்சியில், காங்கிரஸ் எம்.பி., ஜெயராம் ரமேஷ், மத்திய அமைச்சர்கள் ராஜ்நாத் சிங், கிரண் ரிஜிஜூ, பிரகலாத் ஜோஷி, ராஜ்நாத் சிங் உள்ளிட்டோர் பங்கேற்றனர்.
பாராளுமன்ற கூட்டத்தொடர் ஆரம்பிக்கப்போகிறது, இன்னும் திடுக்கிடும் சோரோஸ் அறிக்கைகள் ஒன்றும் வெளி ஆகவில்லையே?? என்னவாயிற்று ராவுல் காந்திக்கு?எல்லாம் டிரம்ப் வந்துவிட்டதால் எல்லாத்தையும் பொத்திக்கொண்டு இருக்கிறார்கள்
இந்த எதிர்க்கட்சி கூட்டத்திலும் கூட எதிர்க்கட்சியினர் வெளிநடப்பு செய்வார்களா...? ஆளும்கட்சியை எதிர்கட்சியினரால் பொறுத்துக் கொள்ள முடியவில்லை. அவர்களால் பதவிக்கு வரமுடியவில்லையே என்ற ஏக்கம். அதனால் அவர்கள் மக்கள் விஷயத்தை மறந்து வெளிநடப்பு செய்துகொண்டே இருக்கிறார்கள். கூச்சல் போடுகிறார்கள் . . அணுகுமுறை மாறவேண்டும் .
