சென்னை: நாடு முழுதும், 21 மாநில அணிகள் பங்கேற்கும், தேசிய அளவிலான ஜூனியர் வளையப்பந்து போட்டி, சூரப்பேட்டையில் உள்ள வேலம்மாள் வித்யாஷ்ரம் கல்லுாரியில், இன்று துவங்குகிறது.

வேலம்மாள் வித்யாஷ்ரம் பள்ளி, தமிழ்நாடு வளையப்பந்து கழகம், இந்திய வளையப்பந்து கூட்டமைப்பு ஆகியவை இணைந்து, 41 வது ஜூனியர் தேசிய வளையப்பந்து போட்டிகளை நடத்துகின்றன. இந்த போட்டிகள், சூரப்பேட்டையில் உள்ள வேலம்மாள் இன்ஜினியரிங் கல்லுாரி வளாகத்தில் இன்று துவங்குகிறது.

இதில், 18 வயதுக்கு உட்பட ஜூனியர் பிரிவு போட்டி, இருபாலருக்கும் நடக்கிறது. தனிநபர் ஒற்றையர், இரட்டையர், கலப்பு இரட்டையர் ஆகிய பிரிவுகளில் தனித்தனியாக போட்டிகள் நடக்கின்றன.

இதில், நாடு முழுதும் இருந்து, பல்வேறு மாநிலங்களை சேர்ந்த, தலா 21 அணிகள் பங்கேற்கின்றன. போட்டிகள், 'லீக்' மற்றும் 'நாக் அவுட்' முறையில், பிப்., 4 வரை நடக்க உள்ளன.