புதுடில்லி: நடந்து முடிந்த பாராளுமன்ற லோக்சபா தேர்தலில் தேசிய கட்சியான பா.ஜ., ரூ.1,737 கோடி செலவு செய்ததாக தேர்தல் ஆணையத்திடம் தாக்கல் செய்துள்ள அறிக்கையில் தெரிவித்துள்ளது.

இது குறித்து தலைமை தேர்தல் ஆணையத்தில் பா.ஜ., தாக்கல் செய்துள்ள தேர்தல் செலவு விவரம் வருமாறு :


கட்சியின் தேர்தல் பிரசாரத்திற்காக அச்சு மற்றும் மின்னணு ஊடகங்களில் விளம்பரங்கள், எஸ்.எம்.எஸ்., பிரச்சாரங்கள் , இணையதளங்கள், டிவி சேனல்களில் விளம்பரம் ஆகியவற்றிற்காக ரூ.611.50 கோடி செலவிடப்பட்டுள்ளது.

மேலும் சுவரொட்டிகள், பதாகைகள், ஹோர்டிங்குகள் மற்றும் கொடிகள் போன்ற விளம்பரப் பொருட்களுக்காக ரூ. 55.75 கோடியும், தவிர பொதுக்கூட்டங்கள், ஊர்வலங்கள் மற்றும் பேரணிகளுக்கு - மேடைகள், ஆடியோ ,வாகனங்களுக்கான ஏற்பாடுகள் உட்பட இதர செலவினங்களாக ரூ.19.84 கோடி என தேர்தல் பிரசாரத்திற்கு மட்டும் ரூ.884.45 கோடியும், தேர்தலில் போட்டியிட்ட வேட்பாளர் தொடர்பான செலவுக்காக ரூ.853.23 கோடியும் என மொத்தம் ரூ. .1,737.68 கோடி செலவு செய்யப்பட்டுள்ளது. இவ்வாறு அந்த அறிக்கையில் தெரிவித்துள்ளது.