5,712

கோடி ரூபாய் ஜி.எஸ்.டி., நிலுவைத்தொகைக்காக, பேடிஎம் செயலியை நிர்வகிக்கும் 'ஒன் 97 கம்யூனிகேஷன்' நிறுவனத்தின் துணை நிறுவனமான 'பர்ஸ்ட் கேம்ஸ் டெக்னாலஜி'க்கு, ஜி.எஸ்.டி., புலனாய்வு இயக்குநரகம் நோட்டீஸ் அனுப்பி உள்ளது. ஆன்லைன் விளையாட்டு செயலி வாயிலாக ஈட்டிய வருமானத்துக்கு 28%க்கு பதில் 18% மட்டுமே ஜி.எஸ்.டி., செலுத்தி இருப்பதாக கூறியுள்ளது.

24,180

கோடி ரூபாயில் ஜெர்மனியை சேர்ந்த அலையன்ஸ் நிறுவனத்தின் 26 சதவீத பங்குகளை பஜாஜ் குழுமம் கையகப்படுத்த உள்ளது. இந்திய காப்பீடு துறையில் மிகப்பெரிய பரிவர்த்தனையாக கருதப்படும் இதற்கு, ஒப்புதல் கேட்டு பஜாஜ் குழுமம், இந்திய போட்டிகள் ஆணையத்தை அணுகி உள்ளது.

1,900

கோடி ரூபாய் நிதி திரட்டும் வகையில் புதிய பங்கு வெளியீட்டுக்கு வருகிறது அர்பன் கம்பெனி. வீட்டு பராமரிப்பு சேவைகளை வழங்கி வரும் இந்நிறுவனம், பங்குதாரர்களின் 1,471 கோடி ரூபாய் மதிப்பிலான பங்குகளை விற்பனை செய்யவும் முடிவு செய்துள்ளது.