நியூயார்க்: அமெரிக்காவில் யு.எஸ்.ஓபன் பாட்மின்டன் தொடர் நடக்கிறது. பெண்கள் ஒற்றையர் காலிறுதியில் இந்தியாவின் 16 வயது தான்வி சர்மா, மலேசியாவின் லெட்சன்னாவை எதிர்கொண்டார். முதல் செட்டை 21-13 என கைப்பற்றிய தான்வி, அடுத்த செட்டையும் 21-16 என வசப்படுத்தினார். முடிவில் தான்வி, 21-13, 21-16 என்ற நேர் செட்டில் வெற்றி பெற்று, அரையிறுதிக்கு முன்னேறினார்.
ஆண்கள் ஒற்றையர் காலிறுதியில் இந்திய வீரர் ஆயுஷ், 2022ல் ஜூனியர் உலக சாம்பியன் ஆன தைவானின் குவோ குவான் லினை சந்தித்தார். முதல் செட்டில் 18-20 என பின்தங்கிய ஆயுஷ், பின் 22-20 என கைப்பற்றினார். தொடர்ந்து அடுத்த செட்டையும் எளிதாக (21-9) கைப்பற்றினார். முடிவில் ஆயுஷ் 22-20, 21-9 என வென்று அரையிறுதிக்குள் நுழைந்தார்.
ஆண்கள் இரட்டையர் காலிறுதியில் இந்தியாவின் அம்சகருணன், ரெத்தினசபாபதி ஜோடி 21-9, 21-19 என தைவானின் சீயன் வெய் சியாங், ஹிசுவான் ஹியு ஜோடியிடம் தோல்வியடைந்தது.