சமர்கந்த்: உஸ்பெகிஸ்தானில் 'கிராண்ட் சுவிஸ்' செஸ் தொடர் நடக்கிறது. இதில் 'டாப்-2' இடம் பெறும் வீரர், வீராங்கனைகள், 2026ல் நடக்கவுள்ள 'கேண்டிடேட்ஸ்' தொடரில் பங்கேற்க தகுதி பெறலாம்.
இந்தியா சார்பில் ஓபன் பிரிவில் உலக சாம்பியன் குகேஷ், உலக கோப்பை வென்ற திவ்யா, பிரக்ஞானந்தா உட்பட 10 பேர் ஓபன் பங்கேற்கின்றனர். பெண்கள் பிரிவில் வைஷாலி, வந்திகா, ஹரிகா உள்ளிட்டோர் விளையாடுகின்றனர். நேற்று இரண்டாவது சுற்று போட்டிகள் நடந்தன.
பிரக்ஞானந்தா, ரஷ்யாவின் இவானை சந்தித்தார். வெள்ளை நிற காய்களுடன் விளையாடிய பிரக்ஞானந்தா, 33வது நகர்த்தலில் வெற்றி பெற்றார். இந்தியாவின் குகேஷ்-துருக்கியின் யாகிஷ், விதித் குஜ்ராத்தி-அபிமன்யு மோதிய போட்டிகள் 'டிரா' ஆகின. திவ்யா, ஜெர்மனியின் அலெக்சாண்டருக்கு எதிரான போட்டியை 'டிரா' செய்தார்.
வைஷாலி அபாரம்
இந்தியாவின் வைஷாலி, நெதர்லாந்தின் எலைன் ரோபெர்சை எதிர்கொண்டார். கருப்பு நிற காய்களுடன் விளையாடிய வைஷாலி, 22 வது நகர்த்தலில் வெற்றி பெற்றார்.
வந்திகா-பிபிசாரா (கஜகஸ்தான்), ஹரிகா-சலிமோவா (பல்கேரியா) மோதிய போட்டி 'டிரா' ஆகின.