ஆதம்பாக்கம், நவ. 8---

ஆதம்பாக்கம் தில்லை கங்கா நகர் சுரங்க பாதை அருகே, காவல் உதவி மையம் உள்ளது. அப்பகுதியில் சுற்றி திரியும் தெரு நாய் ஒன்றுக்கு, பாதுகாப்பு பணியில் ஈடுபடும் போலீசார், உணவு வழங்குவது வழக்கம். அந்த நாயும் உதவி மையத்தில் ஓய்வெடுத்து செல்லும்.

நேற்று முன்தினம் இரவு, பணி முடித்து புறப்பட்ட போலீசார், நாய் உள்ளே இருப்பதை கவனிக்காமல் பூட்டி சென்றனர். சற்று நேரம் கழித்து வெளியே வரமுடியாத நாய் விடிய விடிய கத்தியது.

நேற்று அதிகாலை நடைபயிற்சி செல்வோர், நாய் சிறைபட்டிருந்ததை கண்டு, காவல் நிலையத்திற்கு தகவல் கொடுத்தனர். பின், போலீசார் வந்து நாயை விடுவித்தனர்.