திருச்சி:திருச்சி துப்பாக்கி தொழிற்சாலை பகுதியில் பள்ளியல் படிக்கும் சிறுவர்களை, ஆம்னி வேனில் ஏற்றிச் சென்று விடும் தொழில் செய்து வந்தவர் ராஜேஷ்கண்ணா, 53. இந்நிலையில், இரு நாட்களுக்கு முன், ஏழாம் வகுப்பு படிக்கும் சிறுவனை மாலை நேரத்தில் டியூஷனுக்கு அழைத்துச் செல்லும் போது, காரை ஒதுக்குப்புறமான இடத்தில் நிறுத்தி, சிறுவனுக்கு பாலியல் தொல்லை கொடுத்துள்ளார்.

இதுகுறித்து சிறுவன் பெற்றோரிடம் தெரிவித்தார். அப்போது, சிறுவனின் தம்பியும், தன்னையும் கார் டிரைவர் ராஜேஷ்கண்ணா பாலியல் ரீதியாக துன்புறுத்தியதாக கூறி உள்ளார். இதுகுறித்து சிறுவர்களின் பெற்றோர், திருவெறும்பூர் அனைத்து மகளிர் போலீசில் புகார் அளித்தனர். அதன் படி, போலீசார் போக்சோ சட்டத்தில் வழக்கு பதிந்து, ஆம்னி வேன் டிரைவர் ராஜேஷ்கண்ணாவை கைது செய்து விசாரிக்கின்றனர்.