சென்னை,சென்னை சென்ட்ரல் ரயில் நிலையத்தில் நேற்று முன்தினம் இரவு, ரயில்வே போலீசார் கண்காணிப்பு பணியில் ஈடுபட்டிருந்தனர்.

ஜார்க்கண்ட் மாநிலம் தன்பாத்தில் இருந்து, கேரள மாநிலம், ஆலப்புழாவுக்கு செல்லும் ஒரு விரைவு ரயில், சென்ட்ரல் ரயில் நிலையத்தின் 6வது நடைமேடையில் வந்தது. இதில் வந்த பயணியின் பைகளை சோதித்தபோது, 4 கிலோ எடையுள்ள கஞ்சா பொட்டலங்கள் இருந்தன. இதன் மதிப்பு, 80,000 ரூபாய்.

இவற்றை பறிமுதல் செய்த போலீசார், ஜார்க்கண்ட் மாநிலத்தை சேர்ந்த உபேந்தர் யாதவை கைது செய்தனர்.