படப்பை:தாம்பரம் அருகே மண்ணிவாக்கத்தை சேர்ந்த பிரசன்னா கோபாலகிருஷ்ணன் என்பவரின்மகன் சஞ்சீவ் கிருஷ்ணா, 5. இவர் தாம்பரம் அருகே மணிமங்கலத்தில் உள்ள தனியார் பள்ளியில் யு.கே.ஜி., பயன்று வருகிறார்.

மணிமங்கலத்தில் 50 கிலோ எடையை, 5 கி.மீ.,துாரம் நடந்தபடி இழுத்து சென்று சஞ்சீவ் கிருஷ்ணா சாதனையை படைத்தார். இந்த சாதனை 'நோபல் புக் ஆப் வேர்ல்ட் ரெக்கார்ட்' அமைப்பு சார்பில், புதிய உலக சாதனையாக பதிவு செய்து சான்றிதழ், கோப்பை, பதக்கம் வழங்கப்பட்டது.

முன்னதாக சிறுவனின் சாதனை பயணத்தை மணிமங்கலம் போலீஸ் இன்ஸ்பெக்டர் அசோகன் துவக்கி வைத்தார். 'நோபல் புக் ஆப் வேர்ல்ட் ரெக்கார்ட்' நடுவராக எஸ்.வி.ரமணா செயல்பட்டார். சாதனை படைத்த மாணவனை பலர் பாராட்டினர்.