திண்டுக்கல்:துாத்துக்குடியிலிருந்து பாளையத்திற்கு முறையான ஆவணங்களின்றி அதிக பாரம் ஏற்றி வந்த 2 லாரிகளை கொடைரோடு டோல்கேட் அருகே வட்டார போக்குவரத்து அதிகாரிகள் பறிமுதல் செய்து ரூ.2 லட்சம் அபராதம் விதித்தனர்.

கொடைரோடு டோல்கேட்டில் திண்டுக்கல் பறக்கும் படை மோட்டார் வாகன ஆய்வாளர் சிவக்குமார் தலைமையிலான அலுவலர்கள் வாகன சோதனையில் ஈடுபட்டனர். அப்போது 2 லாரிகள் துாத்துக்குடியிலிருந்து பாளையம் செல்வதற்காக அதிக பாரம் ஏற்றி வந்தன. ஆய்வில் ரோடு வரி செலுத்தியது உட்பட பல ஆவணங்கள் இல்லை. இரு லாரிகளையும் பறிமுதல் செய்து ரூ.2 லட்சம் அபராதம் விதித்தனர்.