ஒட்டன்சத்திரம்:திண்டுக்கல் மாவட்டம் ஒட்டன்சத்திரம் மார்க்கெட்டில் பெரிய வெங்காயம் சில்லறை விற்பனையில் விலை கிலோ ரூ.100 ஆக உயர்ந்துள்ளது.

ஒட்டன்சத்திரம் மற்றும் சுற்றியுள்ள பகுதிகளில் பெரிய வெங்காயம் நடவு செய்யப்படுவது மிகவும் குறைவு. நாசிக் பகுதியில் விளைந்த பெரிய வெங்காயம் லாரிகளில் கொண்டு வரப்பட்டு விற்பனை செய்யப்படுகிறது. ஒரு வாரத்திற்கு முன் வரத்து அதிகம் இருந்ததால் ஒரு கிலோ பெரிய வெங்காயம் ரூ. 40 முதல் ரூ.50 வரை விற்பனையானது.

தற்போது வரத்து குறைந்துள்ள நிலையில் கோயில் திருவிழாக்கள், சுப விசேஷங்கள் அதிகம் நடப்பதால் பெரிய வெங்காயம் விலை திடீரென அதிகரித்து சில்லறை விற்பனையில் ஒரு கிலோ ரூ.100 வரை விற்கப்படுகிறது.

வியாபாரி ஒருவர் கூறுகையில்,''அடுத்து வரும் நாட்களில் சபரிமலை சீசன் தொடங்க உள்ளதால் பெரிய வெங்காயம் விலை குறைய வாய்ப்பில்லை,'' என்றார்.