அவிநாசி; அவிநாசி பேரூராட்சியில் பணிபுரிந்து வரும் துாய்மை பணியாளர்களுக்கு, தீ தடுப்பு ஒத்திகை மற்றும் பேரிடர் காலங்களில் மீட்பு பணியில் ஈடுபடுவது குறித்த விழிப்புணர்வு நிகழ்ச்சியை அவிநாசி தீயணைப்பு மற்றும் மீட்பு பணி வீரர்கள் செய்து காட்டினார்.

தீயணைப்பு நிலைய இன்ஸ்பெக்டர் ரவீந்திரன் தலைமையில் நடைபெற்ற ஒத்திகை நிகழ்ச்சியில்,கவச உடை அணிந்து பெரும் தீ விபத்தில் சிக்கி தவிக்கும் பொது மக்களை காப்பாற்றுவது, நச்சுப் புகை ஏற்படும் தொழிற்சாலைகளில் ஆக்ஸிஜன் சிலிண்டர் உடை அணிந்து காப்பாற்றுவது, வீடுகளில் சமையல் கேஸ் சிலிண்டர் கையாளும் முறை, கேஸ் கசிந்து இருந்தால் முன்னெச்சரிக்கை நடவடிக்கையாக பொதுமக்கள் என்ன செய்ய வேண்டும் உள்ளிட்ட ஒத்திகை நிகழ்ச்சி நடத்தி காட்டப்பட்டது

பொதுமக்கள் அவசர கால உதவி எண்களாக 100, 101, 108 மற்றும் 112 குறித்து எந்தெந்த எண்களில் அழைத்தால் எந்தெந்த துறை உடனடியாக பதிலளிக்கும் என்பதை விளக்கினர்.

சுகாதார ஆய்வாளர் கருப்பசாமி முன்னிலையில், அலுவலர்கள், பேரூராட்சி துாய்மை பணியாளர்கள் உள்ளிட்டோர் கலந்து கொண்டனர்.