காரைக்குடி: காரைக்குடியில் ஒருங்கிணைந்த பதிவுத்துறை அலுவலகம் செயல்பட்டு வருகிறது. இங்கு காரைக்குடி கண்டனுார் ரோட்டை சேர்ந்த வைரவேல் பத்திரப்பதிவுக்காக வந்துள்ளார். பத்திரப்பதிவு முடிந்து பல நாட்கள் ஆகியும் பத்திரம் வழங்கப்படவில்லை.


பத்திரப்பதிவு அலுவலகத்தில் வைரவேல் கேட்டபோது, 60,000 ரூபாய் கொடுத்தால் தான் பத்திரம் தர முடியும் என சார் - பதிவாளர் முத்துப்பாண்டி, 36, தெரிவித்துள்ளார்.


இதுசம்பந்தமாக வைரவேல் லஞ்ச ஒழிப்பு போலீசாருக்கு தகவல் தெரிவித்துள்ளார்.

பத்திரப்பதிவு அலுவலகம் சென்ற வைரவேல், சார் - பதிவாளர் முத்துப்பாண்டியிடம் பணத்தை கொடுத்தார். அங்கு மறைந்திருந்த போலீசார், முத்துப்பாண்டி மற்றும் அவருக்கு உதவியாக இருந்த பத்திர எழுத்தர் புவனப்பிரியாவை கைது செய்தனர்.