திருப்பூர்: திருப்பூர் தபால்துறை, தெற்கு தபால் கோட்டம், லயன்ஸ் சங்கம் சார்பில், திருப்பூர் குமரன் ரோடு, டவுன்ஹால், லயன்ஸ் கிளப் அரங்கில், வரும், 21 முதல், 23 ம் தேதி வரை, மூன்று நாட்கள் ஆதார் சிறப்பு முகாம் நடத்தப்படுகிறது.

முகவரி மாற்றம், பெயர் மாற்றம், மொபைல் எண் மாற்றம், பிறந்த தேதி மாற்றம் செய்ய, கட்டணம், 50 ரூபாய். ஐந்து வயதுக்கு உட்பட்ட குழந்தைகளுக்கு புதிய ஆதார் கார்டு எடுக்க, பதிவு, இலவசம்; பிறப்பு சான்றிதழ், பெற்றோரின் ஆதார் கார்டு இருந்தால் போதும். ஆதாரில் கைரேகை, கருவிழி புதுப்பித்தலுக்கு கட்டணம், 100 ரூபாய். சிறுசேமிப்பு கணக்கு, செல்வமகள் சேமிப்பு கணக்கு துவங்கலாம். 'இந்தியன் போஸ்டல் பேமண்ட் பேங்க் அக்கவுண்ட்' கணக்கு துவங்கப்படும். முதியோர் ஓய்வூதியம், மாணவர்களுக்கான கல்வி உதவித்தொகை பணம் எடுப்பதற்கு சிறப்பு ஏற்பாடு செய்யப்பட்டுள்ளது.

இத்தகவலை, திருப்பூர் தபால் கோட்ட கண்காணிப்பாளர் பட்டாபிராமன் தெரிவித்துள்ளார்.