கரூர்: கடவூர் அருகில், தெரு நாய்கள் கடிந்து நான்கு ஆடுகள் பலியா-னது.
கடவூர் ஊராட்சி ஒன்றிய பகுதிகளில், சமீப நாட்களாக தெரு நாய்கள் தொல்லை அதிகரித்து வருகிறது. பட்டியில் அடைத்து வைக்கப்படும் போதும், மேய்ச்சலுக்கு செல்லும் போதும் ஆடு-களை, தெரு நாய்கள் கடிப்பதால் பலியாகின்றன. இதுவரை நுாற்-றுக்கணக்கான ஆடுகள் இறந்துள்ளன.



இந்நிலையில், கடவூர் ஊராட்சி ஒன்றியத்திற்குட்பட்ட, தே.இடையபட்டி அருகில், தெற்கு அய்யம்பாளையத்தை சேர்ந்த நல்லுசாமி. ஆடு மேய்க்கும் தொழிலாளி. நேற்று, அந்த பகுதியில் ஆடுகளை மேய்ச்சலுக்காக கொண்டு சென்றார். அங்கு வந்த தெரு நாய்கள், மேய்ந்து கொண்டு இருந்த நான்கு ஆடுகளை கடித்து குதறி கொன்று விட்டன. கிராமத்தில் சுற்றித்திரியும் நாய்-களை பிடிக்க நடவடிக்கை எடுக்க வேண்டும். தெரு நாய்கள் கடித்து பலியாகும் ஆடுகளுக்கு, அரசு இழப்பீடு வழங்க வேண்டும் என, கால்நடைகளை பறிகொடுத்தோர் கோரிக்கை வைத்தனர்.