அவிநாசி, ; அவிநாசி வட்டம், சேவூரில் உள்ள ஸ்ரீ பால சாஸ்தா ஐயப்பன் கோவிலில் வரும் 20ம் தேதி மஹா கும்பாபிேஷகம் நடக்கிறது. நேற்று சேவூர் ஸ்ரீ அங்காளம்மன் கோவிலில் இருந்து ஸ்ரீ ஐயப்பன் கோவிலுக்கு 200க்கும் மேற்பட்ட பெண்கள் தீர்த்தக்குடம் மற்றும் முளைப்பாரி எடுத்து ஊர்வலமாக சென்றனர். இன்று முதல் கால வேள்வி பூஜைகள் துவங்குகிறது. நாளை இரண்டாம் மற்றும் மூன்றாம் கால வேள்வி பூஜைகள் நடக்கின்றன.

20ம் தேதி நான்காம் கால வேள்வி பூஜையைத் தொடர்ந்து, அதிகாலை 4:50 மணிக்கு மேல் 5:15 மணிக்குள் விமானங் களுக்கு மஹா கும்பாபிஷேகம் நடைபெறும். பந்தள ராஜா பிரதிநிதி மூலம் திருநாள் ஸ்ரீ ஸ்ரீ சங்கர் வர்மராஜா தலைமை தாங்குகிறார். தாராபுரம் வரன்பாளையம் திருநாவுக்கரசர் மடாலயம் மவுனானந்த சிவாசலம், அவிநாசி திருப்புக்கொளியூர் வாகீசர் மடாலயம் காமாட்சி தாச சுவாமிகள் ஆகியோர் முன்னிலை வகிப்பர். தொடர்ந்து, மூலாலய மூலவர்களுக்கு மஹா கும்பாபிஷேகம் நடைபெறுகிறது. ஸ்ரீ தர்மசாஸ்தா டிரஸ்ட் மற்றும் ஊர் பொதுமக்கள் சார்பில் பக்தர்களுக்கு அன்னதானம் வழங்கப்படுகிறது.