விழுப்புரம் : சிறுவந்தாடு லட்சுமி நாராயண பெருமாள் கோவிலில் வரும் 20ம் தேதி கும்பாபிஷேகம் நடக்கிறது.

விழா இன்று 18ம் தேதி மாலை 4:30 மணிக்கு விநாயகர் பூஜையுடன் துவங்குகிறது. தொடர்ந்து, வாஸ்து சாந்தி, அக்னி பிரதிஷ்டை ஹோமங்களுடன், யாகசால பூஜை நடக்கிறது. 19ம் தேதி காலை 7:30 மணி முதல் மதியம் 12:30 மணி வரை மகா சாந்தி ஹோமங்களுடன் யாக சாலை பூஜை நடக்கிறது.

கும்பாபிேஷக தினமான 20ம் தேதி காலை 9:30 மணிக்கு கடம் புறப்பாடாகி கும்பாபிஷேகம் நடக்கிறது. ஏற்பாடுகளை விழா குழுவினர், கிராம மக்கள் செய்து வருகின்றனர்.