ராமேஸ்வரம்: ராமேஸ்வரம் கடற்கரையில் நிறுத்தப்பட்டிருந்த நாட்டுப்படகிற்கு மர்ம நபர்கள் தீ வைத்ததில் படகு எரிந்தது.

ராமேஸ்வரம் அருகே தங்கச்சிமடம் சாக்சன் நாட்டுப்படகில் மீனவர்கள் மீன் பிடித்துவிட்டு நேற்று முன்தினம் இரவு முருகன் கோயில் அருகில் கடற்கரையில் நிறுத்தியிருந்தனர். அன்றிரவு இப்படகு இன்ஜின் பகுதியில் தீப்பிடித்து எரிந்தது.

அங்கிருந்த மீனவர்கள் விரைந்து சென்று தீ மேலும் பரவாமல் அணைத்தனர். ஆனால் தீப்பிடித்ததில் இன்ஜின் மற்றும் படகில் மரப்பலகை எரிந்து வீணாகியது. இதனால் மீனவருக்கு ரூ.3 லட்சம் இழப்பு ஏற்பட்டது. முன்விரோதம் காரணமாக படகிற்கு மர்ம நபர்கள் தீ வைத்தனரா என மரைன் போலீசார் விசாரிக்கின்றனர்.