விழுப்புரம்: விழுப்புரம் மாவட்டம், சிறுவந்தாடு லஷ்மிநாராயண பெருமாள் கோவிலில் நாளை (20ம் தேதி) ஸம்ப்ரோஷணம் நடக்கிறது.

நேற்று மாலை ஆச்சார்ய அழைப்பு, புற்றுமண் பூஜை, வாஸ்து சாந்தி பூஜைகளுடன் விழா துவங்கியது. இன்று (19ம் தேதி) காலை புண்யாஹம், மஹாசாந்தி ஹோமம் உள்ளிட்ட பூஜைகள் நடக்கிறது.

20ம் தேதி காலை கோ பூஜை, மஹா பூர்ணாஹூதியை தொடர்ந்து கடம் புறப்பாடாகி, கோவில் விமானத்தில் புனித நீர் ஊற்றி, ஸம்ப்ரோஷணம் நடக்கிறது.

தொடர்ந்து, கருவறை மூர்த்திகளுக்கு மஹா ஸம்ப்ரோஷணமும், மாலை பெருமாள் திருவீதியுலாவும் நடக்கிறது. ஏற்பாடுகளை சிறுவந்தாடு, மோட்சகுளம் பொதுமக்கள் செய்துள்ளனர்.