சென்னை ; சென்னை விமான நிலையத்தில் இருந்து சிங்கப்பூர், இலங்கைக்கு செல்லும் எட்டு விமானங்களின் சேவை, நேற்று ஒரே நாளில் ரத்தானதால், பயணியர் அவதிப்பட்டனர்.

சிங்கப்பூரில் இருந்து நேற்று பகல் 12:40 மணிக்கு, சென்னை வரும் ஏர் இந்தியா எக்ஸ்பிரஸ் விமானம்; பகல் 12:55 மணிக்கு, டாக்காவில் இருந்து வரும் பி.எஸ்.பங்களா ஏர்லைன்ஸ் விமானம்.

பிற்பகல் 2:55 மணிக்கு, இலங்கையில் இருந்து வரும் ஸ்ரீலங்கன் ஏர்லைன்ஸ் விமானம்; மாலை 3:25 மணிக்கு, இலங்கையில் இருந்து வரும் ஏர் இந்தியா விமானம் ஆகிய நான்கு வருகை விமானங்கள், நேற்று ரத்து செய்யப்பட்டன.

அதேபோல், சென்னையில் இருந்து சிங்கப்பூருக்கு நேற்று அதிகாலை 2:50 மணிக்கு செல்ல வேண்டிய ஏர் இந்தியா எக்ஸ்பிரஸ் விமானம்; காலை 11:25 மணிக்கு, இலங்கை செல்ல வேண்டிய ஏர் இந்தியா விமானம்.

மதியம் 1:55 மணிக்கு, டாக்கா செல்ல வேண்டிய பி.எஸ்.பங்களா ஏர்லைன்ஸ் விமானம்; மாலை 3:25 மணிக்கு, இலங்கை செல்ல வேண்டிய ஸ்ரீலங்கன் ஏர்லைன்ஸ் விமானம் ஆகிய நான்கு புறப்பாடு விமானங்களும் நேற்று ரத்து செய்யப்பட்டன.

நிர்வாக காரணங்கள் என்று கூறி, நேற்று ஒரே நாளில், எட்டு சர்வதேச விமானங்கள் திடீரென ரத்து செய்யப்பட்டதால், பயணியர் அவதிப்பட்டனர்.