ஆத்துார்: சேலம் மாவட்டம், ஆத்துார், புதுப்பேட்டை வேளாண் கூட்டுறவு விற்பனை சங்கத்தில் வாரந்தோறும் பருத்தி, மஞ்சள் ஏலம் நடந்து வருகிறது.


நேற்று நடந்த பருத்தி ஏலத்திற்கு ஆத்துார், கெங்கவல்லி பகுதி மட்டுமின்றி, கள்ளக்குறிச்சி, சின்னசேலம், பெரம்பலுார் பகுதிகளில் இருந்து, விவசாயிகள், 82.89 குவிண்டால் பருத்தியை விற்பனைக்கு கொண்டு வந்தனர். இதில், பி.டி., ரகம் குவிண்டால், 6,569 முதல், 7,209 ரூபாய்; டி.சி.ெஹச்., ரகம் குவிண்டால், 7,369 முதல், 9,699 ரூபாய்; கொட்டு பருத்தி குவிண்டால், 3,259 முதல், 5,199 ரூபாய்க்கு விற்பனையானது. மொத்தம், 82.89 குவிண்டால் பருத்தி, நான்கு லட்சம் ரூபாய்க்கு ஏலம் போனது.