ஈரோடு: பவானி, கல்பாவி, பெரியகுரும்பாளையம் காலனியை சேர்ந்த-வர்கள், ஈரோடு கலெக்டர் அலுவலகத்தில் நேற்று மனு வழங்கி கூறியதாவது:


எங்கள் காலனி பகுதியில், 100க்கும் மேற்பட்ட குடும்பத்தினர் வசிக்கிறோம். இதில், 50க்கும் மேற்பட்ட குழந்தைகள் பள்ளி சென்று வருகின்றனர். இவர்கள் பள்ளிக்கு, வாய்க்கால் கரை வழி-யாக செல்ல வேண்டும்.


அச்சாலை மண் சாலையாக உள்ளதால் மழை நேரத்தில் வழுக்கி விடுகிறது. குண்டும், குழியுமாகவும், ஆக்கிரமிப்பு நிறைந்தும் உள்ளதால், குழந்தைகள் பாதிக்கப்படுகின்றனர். எனவே பாதையை சீரமைத்து தார்சாலை அமைத்து தர வேண்டும். அவசர சூழலுக்கு, 108 ஆம்புலன்ஸ் வாகனம் கூட, வர முடியாத நிலை உள்ளது. இவ்வாறு மனுவில் தெரிவித்துள்ளனர்.