நெல்லிக்குப்பம்; நெல்லிக்குப்பம் அருகே போலீஸ் எச்சரிக்கையை மீறி, பள்ளி எதிரில் வாகனங்களை நிறுத்துவதால் விபத்து ஏற்படும் அபாயம் உள்ளது.

நெல்லிக்குப்பம் திருக்கண்டேஸ்வரத்தில் இருந்து விஸ்வநாதபுரம் செல்லும் சாலையோரம் நகராட்சி உயர்நிலைப் பள்ளி உள்ளது. அங்கு, டிராக்டர், லாரி உள்ளிட்ட வாகனங்கள் நிறுத்தி வைப்பர். இதனால் அடிக்கடி விபத்துகள் ஏற்பட்டு வந்தது. பள்ளி குழந்தைகளும் அச்சத்துடன் சாலையை கடக்கும் நிலை உள்ளது.

இதையடுத்து, பள்ளி அருகே வாகனங்களை நிறுத்த கூடாது என போலீசார் எச்சரித்து போர்டு வைத்துள்ளனர். ஆனால் அதையும் மீறி, வாகனங்கள் நிறுத்தி வருகின்றனர். இதனால், அப்பகுதியில் மீண்டும் விபத்து ஏற்படும் அபாயம் உள்ளது.