ஒரு கோடி ரூபாய்க்கு வீடு வாங்குவதை கேள்வி பட்டிருப்பீர்கள் ஆனால் அமெரிக்காவில் ஒரு கோடி ரூபாய்க்கு சுவையான சாக்லேட் தயாரிக்கப்பட்டுள்ளது.


பென்சில்வேனியா - மாநிலத்தில் பிட்ஸ்பர்க்கில் உள்ள SARRIS CHOCOLATE தொழிற்சாலை மிக பிரபலம்.இதில் சாக்லேட்டுடன் விதவித ஐஸ்கிரீம்களும் உண்டு. உலகில் நாம் பார்க்கிற - உபயோகிக்கிற சோப்பு - சீப்பு- (செருப்பு) முதற்கொண்டு பல்வேறு உருவங்களில் சாக்லேட்டுகள் தயாரித்து காட்சிப்படுத்துகிறார்கள்.

அத்துடன் அவர்கள் அவ்வப்போது வாடிக்கையாளர்களை ஈர்க்க - ஜிம்கானா ஏதாவது செய்வதுண்டு. தற்போது 1,180 கிலோவில், 12 அடி உயரம், 8 அடி நீளம்,3 அடி அகலம் கொண்ட சாக்லேட் தயாரிக்கப்பட்டுள்ளது. 3 மாதத்தில் 8 பேர் கொண்ட குழு தயாரித்துள்ளது.
இதன் விலை ஒரு லட்சத்து முப்பதாயிரம் டாலர்கள் ! ( ஒரு கோடிக்கும் மேல் ! )
இதையும் பெருமையுடன் வாங்கிச் செல்ல போட்டாப் போட்டியாம்! அம்மாடி ! அங்கு உள்ள சாக்லேட் தொழிற்சாலைகளை பொதுமக்களும் பார்வையிட அனுமதிக்கிறார்கள். பார்க்கலாம். ரசிக்கலாம். ருசிக்கலாம். வாங்கலாம்.

அமெரிக்க சிறப்பு செய்தியாளர்

- என்.சி.மோகன்தாஸ், சரவணன், சாக்லேட் கலவை :வெ.தயாளன்.