வாஷிங்டன்: உலக ரேபிட் மற்றும் பிளிட்ஸ் செஸ் சாம்பியன்ஷிப் தொடரில் இருந்து விலகுவதாக மேக்னஸ் கார்ல்சன் அறிவித்துள்ளார்.


உலக ரேபிட் மற்றும் பிளிட்ஸ் செஸ் சாம்பியன்ஷிப் தொடர் அமெரிக்காவில் நடந்து வருகிறது. இதில், நார்வேவைச் சேர்ந்த கிராண்ட் மாஸ்டர் மேக்னஸ் கார்ல்சன் கலந்து கொண்டார். ரேபிட் பிரிவில் 5 முறையும், பிளிட்ஸ் பிரிவில் 7 முறையும் வெற்றி பெற்றிருந்தார்.



2ம் நாள் போட்டிக்கு கார்ல்சன் ஜீன்ஸ் அணிந்து வந்தார். இது சர்வதேச செஸ் கூட்டமைப்பு விதிமுறையை மீறும் செயலாகும். விதிமுறைப்படி, வீரர்கள் போட்டியின் போது ஜீன்ஸ் அணியக் கூடாது. உடையை மாற்றும்படி போட்டி ஏற்பாட்டாளர்கள் அறிவுறுத்திய பிறகும், அவர் கேட்கவில்லை. இதனால், அவருக்கு அபராதம் விதிக்கப்பட்டது.


இந்நிலையில், இன்று (டிச.,28) உலக ரேபிட் மற்றும் பிளிட்ஸ் செஸ் சாம்பியன்ஷிப் தொடரில் இருந்து விலகுவதாக கார்ல்சன் அறிவித்துள்ளார். இது அவரது ரசிகர்களுக்கு அதிர்ச்சியை ஏற்படுத்தியுள்ளது.