புதுடில்லி: 'ஸோகோ' தொழில்நுட்ப நிறுவனத்தின் தலைமை செயல் அதிகாரி ஸ்ரீதர் வேம்பு, தனது பொறுப்பிலிருந்து விலகுவதாக அறிவித்துடன், மேலும் இன்று புதிய அத்தியாயம் தொடங்குகிறது என்றும் தெரிவித்துள்ளார்.

இது குறித்து ஸ்ரீதர் வேம்பு கூறியதாவது:

ஏ.ஐ.,-யின் சமீபத்திய முக்கிய முன்னேற்றங்கள் உட்பட, நாம் எதிர்கொள்ளும் பல்வேறு சவால்கள் மற்றும் வாய்ப்புகளைக் கருத்தில் கொண்டு, எனது தனிப்பட்ட கிராமப்புற மேம்பாட்டுப் பணியைத் தொடர்வதோடு, ஆராய்ச்சி மற்றும் மேம்பாட்டு முயற்சிகளில் முழுநேரமும் கவனம் செலுத்துவது சிறந்தது என்று முடிவு எடுத்துள்ளேன்.

ஆழமான ஆராய்ச்சி மற்றும் மேம்பாட்டு முயற்சிகளுக்குப் பொறுப்பான தலைமை விஞ்ஞானியாக ஒரு புதிய பொறுப்பை ஏற்றுக்கொள்வேன். எங்கள் இணை நிறுவனர் ஷைலேஷ் குமார் தவே எங்கள் புதிய குழு தலைமை நிர்வாக அதிகாரியாகப் பணியாற்றுவார். எங்கள் இணை நிறுவனர் டோனி தாமஸ் ஸோகோ யுஎஸ்-ஐ வழிநடத்துவார். ராஜேஷ் கணேசன் எங்கள் மேனேஜ்எஞ்சின் பிரிவை வழிநடத்துவார், மணி வேம்பு http://Zoho.com பிரிவை வழிநடத்துவார்.


எங்கள் நிறுவனத்தின் எதிர்காலம் ஆராய்ச்சி மற்றும் மேம்பாட்டு சவாலை நாம் எவ்வளவு சிறப்பாகச் சமாளிக்கிறோம் என்பதைப் பொறுத்தது.மேலும் எனது புதிய பணியை ஆற்றலுடனும் வீரியத்துடனும் எதிர்நோக்குகிறேன். தொழில்நுட்பப் பணிகளில் மீண்டும் கைகோர்ப்பதில் நான் மிகவும் மகிழ்ச்சியடைகிறேன்.

இவ்வாறு ஸ்ரீதர் வேம்பு கூறினார்.